Sumatra, un di e islanan grandi di e archipiélago indones a sinti un temblor fuerte ku  a eksigí bida di por lo ménos 75 hende. Medionan di komunikashon lokal ya ta suponé ku a kai sentenáres di morto. Miles di hende a keda derá bou di e ruina, asina ministerio di Asuntunan di Salubridat ta bisa.

Na siudat Padang hopi edifisio a basha aden, entre nan hotèl tambe. Episentro di e temblor, ku tabatin un intensidat di 7.6 riba eskala di Richter, tabata ubiká na mas o ménos 50 kilometer for di kosta. Binti minüt despues a sigui un temblor posterior di un magnitut di 6.2. Outoridatnan no ta kere ku lo surgi un tsunami. Te awor ningun Hulandes no a presentá ni notifiká sentral di alarma.

E temblor pegá ku Sumatra a surgi despues di e maremoto den Oséano Pasífiko, ku a okashoná un tsunami ku a asotá entre otro e islanan di Samoa ayera djamars. E sifra di morto a pasa shen bai. Testigunan okular ta bisa ku ola di laman a lastra pueblesitunan kompleto bai kune na kosta zùit di Upola, e isla mas importante di Samoa. Na algun lugá laman a kore drenta te paden, esta na un distansha di 800 meter den interior di e islanan.

Dos risòrt turístiko tambe mester a soportá hopi kos. No tin notisia di Hulandesnan perhudiká den e region.

A sera airopuerto Minangkabau na Padang
 

Skucha relato di testigu okular Herman Meijer, turista riba baiskel.

Si dado kaso bo t'einan i bo ke kompartí bo eksperiensha (òf potrèt/vidio), mail nos na <?subject=Aardbeving%20Sumatra'); >
Datonan di direkshon di Konsulado hulandes na Sumatra:
Chef de Poste: J.C. van Diemen
Adrès: Jl. Monginsidi 45-T/39
Medan 20152
Pòstadrès: Jl. Monginsidi 45-T/39
Medan 20152
Tel. +62-61-456 9853 (453 6130)
Fax: +62-61-414 5745
Emailadrès: <'); >