Djaluna e avion ku studiantenan nobo di Aruba a yega na Schiphol. Ku un bùs nan a bai un hotel kaminda nan lo tende tur kos ku mester regla e promé siman ku nan t'aki.

Programa
Mentòr Magali Maduro, ku tabata entre esnan ku a bin baha e studiantenan na Schiphol, ta konta kiko asina mester regla: mester habri kuenta di banko, buska un number di registrashon sivil, inskribí na e munisipio kaminda nan ta bai biba, bishitá e instansha kaminda nan ta bai studia i partisipá na e programa di introdukshon di e instansha ei.

Banko
Normalmente no por habri un kuenta di banko sin un number di registrashon sivil, algu ku por dura seis siman, pero a haña un banko dispuesto pa hasi esaki tòg, kontal ku den seis siman nan informá kiko ta nan number di registrashon sivil. Si no ta sera e kuenta i Aruba ta para nan beka. I ta importante pa tin e kuenta pa nan por depositá e plaka ku nan a bini kuné mesora.

Hopi 'drùk'
Studiante Whitney Justiana ta masha kontentu ku el a yega. "E buelo tabata masha largu, m'a fada!" El a bini pa studia fisioterapia na Rotterdam. E ta fèrwagt ku e promé simannan lo bira 'hopi druk' pero e ta spera di pasa un tempu alegre tambe.

Skucha e entrevista di Leila Wijnhoven ku Magali Maduro i Whitney Justiana