Cu bo ta “landskind’ di Aruba, y no “landskind” di Hulanda; Cu bo ta parti di e pueblo Arubano, y no parti di e pueblo Hulandes: Ta pasobra feitelijk bo a nace na Aruba, y feitelijk pa ley ta ‘ius soli’/‘yiu di tera’, of/y bo a nace di un Arubiano, y pa ley feitelijk como ‘ius sanguini’, yiu di sanger, ta un landskind di Aruba, y ta forma parti asina di e pueblo Arubano, y pesey ta un Arubiano? Y feitelijk ta, cu te ora cu Abo pa ley por prueba cu bo ta un Arubiano, ta e ora ey numa Abo pa statuut y pa ley ta bin na remarke pa e Gobierno Hulandes otorga bo e nacionalidad di e Estado y Pueblo Hulandes, no? Bo sa toch, cu ta e Gobierno Hulandes y cu no ta e Gobierno di Aruba pa ley Mester, y ta otorga bo individualmente e nacionalidad y pasaporte Hulandes, cu ta propiedad di e Estado Hulandes, y no propiedad di e Pais Aruba? Y si ta e Estado y e Pueblo Hulandes ta otorga bo NAN nacionalidad y pasaporte, a lo menos ora cu Abo of bo Yiu, pasobra cu boso ta Arubiano, y pa ley tambe boso ta Hulandes, ora boso ta inscribi na Hulanda, ta NAN feitelijk mester ta e prome responsabel pa bo estudio y gastonan, no? Y ta e Gobierno di Hulanda, y no e Gobierno di Aruba tambe mester ta esun responsabel pa bo por a sinja papia un bon hulandes, y tin bon ensenjanza hulandes tambe aki na Aruba, no? Mescos cu nan ta exigi esaki di e stranheronan aki na Aruba cu NAN ta naturaliza? Anto abo sa cuanto nan a inverti den e ensenjanza hulandes aki na Aruba, y cuanto na beca? Pa bo ensenjanza como un Hulandes, naci na Aruba? Y cuanto e Gobierno di Aruba a inverti aki na Aruba mes den e idioma papiamento di SU ‘landskinderen’?