E eksposishon di potrèt 'Religious Curaçao: Rituals and Traditions' den De Melkweg Galerie na Amsterdam ta mustra un miksto di religion bibu ku ta eksistí banda di otro i ku tin di aber ku otro. E eksposishon ta mustra Kòrsou komo un ehèmpel di toleransha entre religionnan, miéntras ku na Hulanda ta tròbel so tin ku religion.

E diferensha entre e isla kaminda su roots ta i e pais kaminda e ta biba ta loke a inspirá fotógrafo Sinaya Wolfert. "Na Hulanda tin mashá atenshon pa religion. Semper tin un sorto di lucha entre nan. Na Kòrsou esei no ta e kaso ètòl: tur hende ta biba pasífikamente i integrá ku otro." Wolfert tabata ke laga mira e respèt mutuo akí.

Ku e eksposishon i e buki korespondiente, Wolfert ke mustra e desaroyonan positivo riba tereno sosial i kultural na un Kòrsou tolerante, segun direktor dje galeria Suzanne Deggert. E mes no tin nada ku religion, pero e ta wak e kosnan positivamente sí: "Religion ta ofresé konsuelo, speransa i alegria." Katolisismo ta dominá na e isla, pero e potrètnan ta laga mira ku tin diferente variashon i ku tur tin derechi di eksistí, segun Deggert.

Skucha un relato di Romeo Hoost.