Shurendly di 16 aña no ke start un guera pero e ta desafiá promé minister Gerrit Schotte pa bin papia kuné pa e sa ta kiko el a hasi robes. “Anto e ora ei mi ta puntr’é kiko el a hasi pa hubentut e último 16 lunanan”, asina Maduro ta bisa.
Djaluna e muchá hòmber di skol di diesseis aña di edat a sali den notisia ora el a mek su flechanan riba gabinete Schotte komo oradó mas hóben na e manifestashon di protesta di Frente Sivil. Su manisé a ninga Maduro entrada den Fòrti, asiento di gobièrnu di Kòrsou.
E alumno di skol komo boluntario ta duna rekorido na mucha di skol i na skout den e plenchi di Fòrti, i ta duna splikashon di institushon polítiko i kon nan ta traha.
Kouchi di malhechor
Durante e manifestashon di “Frente” Maduro a bisa: “Nan a kue Fòrti hasié un kouchi di malhechor. Hubentut di Kòrsou no ke esaki. Pink Panter por bini bèk. Scoobie Doo por bini bèk. Pedro Pica Piedra (Fred Flintstone, red.) por bini bèk, pero gabinete Schotte no ta bini bèk mas.”
“Mi ta para tras di loke mi a bisa”, e ta kontinuá. “Bo por kore ku mi, pero Fòrti ta di pueblo, no di Gerrit Schotte. E trahadó ku – na nòmber di promé minister – a bisami ku mi no ta bonbiní mas den Fòrti a bisa ku promé minister tabata masha rabiá pa motibu di e kosnan ku mi a bisa na e demonstrashon”, segun Maduro.
Segun e alumno di skol mihó promé minister bai den diálogo kuné. “Si e no ke, esaki ta prueba mi punto: promé minister ta para masha leu di hubentut i no ta interesá den nan relato.”
No tin relashon
E bosero di prensa di Gerrit Schotte no tabata alkansabel pa Wereldomroep, pero via versgeperst.com e ta laga sa ku seguridat di Fòrti a papia ku Maduro, pasobra e tabata kana drenta diferente edifisio, entre nan sekretariado.
“Si mi no ta kiboká, tur hende por drenta Fòrti, pero si un hende ke drenta un edifisio, nan mester identifiká nan mes. Ta p’esei a ning’é entrada, pasobra e no por djis kana drenta tur kaminda. No tin niun relashon ku e manifestashon di djaluna pasá”, segun e bosero.
Email this Article
Printer-friendly version
Bon Shurendly Maduro mi ta gosabo kompai. Bo ta asina BON di hasi algu fuera di reglanan(di no identifika bo mes) etc i despues lagabo mes wordu husa pa politika barata. Bon machu. MI NO KONOSE UN MAS BOBO KUBO RUMAN.Laga otronan sigi husabo pa nan politika barata paso ta tur di frente....... ta di PAR kua ta bruha tera serka e BOBONAN manera un hoben di 16 anja. Shurendly pidi despensa paso tabo tabata i ta malu den komportashon. I no lubida ku respet ta kuminsa serka bo mes i vooral ora ku tabo ta fout.E hendenan den forti ta mas adulto ku abo(Weboe)dus respeta e edad i eksperensia i nan labor i no laga e BOBONAN,koredo di tras di kos husabo. Sea un alumno korekto i no un hoben bruha pustado di boka i hungado di badjos paso mucha bo ta ku tin di sinja skucha prome ku bo ataka anto sin pia i sin kabes. STOP abuso di mucha. Shonnan Gabinete Schotte ta mihor pa e pais korsow ei kompara ku 18anja PAR. Tur welga i reklamo ku tin ta pa kosnan di tempu di Partido PAR. Tur tur i tur ta bini di 3anja bai ariba i ta PAR so a goberna i no MFK. Danki di antemano i forsa pa e hobensitoo ei.
Mi kier sa Shurendly no tin nada di hasi! Dialogá ku Minister Presidente?
Schotte tin apenas 16 luna na mando, ya kaba Shurendly tin kritiká, pero tambe no fundá! Tin un grupo ku ta usando e mucha aki!
Ta un BERGUENSA kon hende ku mente infantil/politiko ta HUSA un ser infantil pa NAN vunera nan frustashon!!! Ta di kwa kolo politiko asiki a bini???? Ta 1 (un) BERGWENSA pa/ku POLITIKONAN tin di BAHA NA E NIVELAKI.... SHAMEONE U !!!!! Ta KI KLASE di POLITIEK BOSO TA EHERSE !!! Mi ta mira ku NO Korsow SO ta eherese esaki SINO PERO HINTER MUNDU!!1 Hinter e ( KARTENHUIS) KAS DI ISIERTIEDUNBRE aki lo kai den otro... I MAS LIHE ku Boso ta pensa, pasombra ASINA aki NO POR MAS..... Ta 1 (un) BERGWENSA kon MI PWEBLO TA ASEPTA SORTO DI INSULTU AKI SIN MAS !!!!
Post new comment