Dia 21 di mart 2010, Arubanonan na Hulanda ta selebrá e asina yamá 'Arubadag'. Esaki lo tuma lugá na Veemarkthal na Utrecht. 'Arubadag' ta masha popular bou di Antianonan na Hulanda. Radio Nederland Wereldomroep tambe tei ku un video-booth.

E aña aki ta hóbennan a prepará tur kos pa e dia akí. Desiree Croes: 'Ora e bishitante yega e mester sinti su mes na Aruba'. Señora Croes ta direktor di Arubahuis i alabes presidente di e komishon ku ta organisá 'Arubadag 2010'.

No solamente ta bai tin músika, pero tambe un skina pa promové Aruba, demostrashon di deporte i show di moda. Tambe ta spera ku e aña akí preisnan di entre otro kuminda lo ta mas moderá ku den e añanan anterior.

E aña akí mas ku 5000 persona a kumpra nan karchi di entrada kaba. Mirando ku aña pasá mas o ménos 5000 persona a asistí na 'Arubadag 2009', esaki ta nifiká ku 'Arubadag 2010' lo kibra e rèkòrt di aña pasá. Riba e dia aki Radio Nederland Wereldomroep tambe lo ta presente na Veemarkthal na Utrecht.

Kompra di karchi via internèt
Algu masha remarkabel ta e hecho ku hopi persona mayor di 40 aña, a kumpra nan karchi via ínternèt. 'Lo bo spera mucha yòn ta kumpra online, pero tòg ta personanan un tiki mas grandi', esaki segun Desiree Croes.

Desiree Croes, direktor di Arubahuis - un reportahe di Ronald A. Muyden