Ken no a yega di selebrá fiesta di Sanikolas den su infansia? Sinembargo, mas i mas famia ta skohe pa no partisipá mas na selebrashon di e fiesta tradishonal akí, ku ta tumando lugá algun siglo kaba. E pakiko ku mas i mas hende ta hala atras no tin mashá di aber ku e santu obispu mes, sino ku su achudant Zwarte Piet: símbolo di kolonialismo, sklabitut i di menospresio pa hende pretu den bista di hopi hende. Danitzah Jacobs ta un mama antiano ku a skohe konsientemente pa no selebrá fiesta di Sinterklaas mas den su kas, debí na e aspekto rasista di figura di Zwarte Piet.
Awe 6 di dezèmber ta dia ofisial di kumpleaños di Sanikolas. Den e dianan ku a pasa tabatin mashá diskushon den komunidat alóktono i outóktono na Hulanda. Nunka promé a kuestioná ròl di Zwarte Piet ku asina tantu fervor manera awó. E fenómeno di Zwarte Piet a para bira motibu pa hopi kontroversia den komunidat alóktono na Hulanda. Ultimo tempu un grupo di artista i di oponente a pone bon kla ku 'Zwarte Piet ta rasismo'.
Danitzha Jacobs, mama di Tariq di 6 i Iyanla di 5 aña a disidí, huntu ku su esposo di desendensha afrikano, pa bisa nan yunan e bèrdat. Esta, ku Sinterklaas no ta eksisti i ku Zwarte Piet ta un fenómeno rasista. Pero, manera por komprondé, no ta tur biá yu ta kere tur kos ku nan mayornan bisa nan. Pa Tariq ta opvio ku Sinterklaas no ta na bida mas, pero Iyanla si no ta konvensi di esaki. El a pone su sapatu anto ta kabai e ke di Sanikolas!
Bofón
Danitzha Jacobs no ke eksponé su yunan na un símbolo di rasismo, ni pa selebrá un fiesta ku ta enserá un símbolo asina. E ta atmití ku na mucha e tabata gusta e fiesta, pero ku e no tabata konsiente di 'e bofón ku tabata hasiendo di hende pretu, ku figura di Zwarte Piet.' Ta ku su 20 aña numa Jacobs a bin realisá e konteksto rasista i kolonial di fiesta di Sanikolas, despues ku a inkorporá figura di Zwarte Piet den e tradishon hulandes.
Si no ta pa Zwarte Piet, lo no e tin ningun problema ku selebrashon di Sanikolas. Danitzha Jacobs: "E ta basá riba un istoria mashá bunita ku ta bin di un tempu muchu mas promé ku kristiandat. Zwarte Piet no ta kuadra ku nos istoria, i ademas e ta portretá kultura di hende pretu robes. Meskos ku a abolí sklabitut, mester hasié ku símbolo di Zwarte Piet tambe, pasobra asin'ei e por bira un selebrashon pa tur hende."
Email this Article
Printer-friendly version
Het trieste aan dit hele verhaal is, dat men kinderen op een te jonge leeftijd al bewust maken van het onderscheid op basis van huidskleur. Ik ben op de eilanden opgegroeid in een tijd waarin dit soort discussies niet aan de orde van de dag waren. Daardoor heb ik optimaal kunnen genieten van Sinterklaas mét zijn Pieten. Ik speelde met andere kinderen die alle kleuren van de regenboog hadden, het was nooit een punt! Pas op oudere leeftijd werd ik geconfronteerd met het concept racisme, maar toen was ik er weerbaarder tegen, hoe erg het ook is en blijft. Het feit overigens dat iemand zich bewuster wil opstellen ten opzichte van zijn eigen ethnische achtergrond, hoeft niet te betekenen dat dit ten koste van andere rassen/kleuren hoeft te gaan. Racisme is verwerpelijk namelijk, of het nu vanuit een "witte" danwel vanuit een "zwarte" hoek afkomstig is. Laat kinderen genieten van dit feest, en verziek het niet omdat je ineens "uberblack" wilt zijn.
Ik ben ook eens. Ik begin ook zat te worden van het gedoe van rasisme. straks kunnen we van niks meer genieten, want het heeft met rasisme te maken. De Pieten zijn zwart door de roet van de schoorsteen.
Ami tin 38 anja. Semper foi dia mi tbt tin tinu mi konose Sinterklaas i su pietnen. Anto nan kita santaklaus tambe paso e ta habuza di hende chiki..
Kaminda ta e idea rond di e feest ta hasi spetakular. Paso uiteindelijk ta serka ken e muchanan ta hanja e regalo?
Ami ta di opinion ku ta esei ta e problema. UN gastu menos pa december!
Post new comment