Hubentut sürnam i antiano ta kore mas riesgo di kontraé enfermedat venériko, miéntras ku hóbennan turko i marokano tin di aber ku preshon seksual, mas ku esnan outóktono. 

 
P'e motibu akí sekretario di estado Jet Bussemaker di Salubridat Públiko ta invertí mas sèn den kombatimentu di enfermedatnan venériko i sèks fòrsá serka alóktononan. Esei ta nesesario ya ku esfuersonan hasí te awor no a surti sufisiente efekto. 
 
Proyektonan eksistente no ta alkansá hubentut di desendensha strañero sufisientemente, asina Bussemaker a skibi den un karta ku el a manda pa parlamento ulandes djabièrnè último, 27 di novèmber. GGD ku su sekshonnan rònt Hulanda lo risibí un mion di euro adishonal pa aña pa atendé ku hubentut na un manera mas efikas, en koperashon ku organisashonnan lokal.
 
Un ke otro lo tuma lugá den forma di workshops pa studiantenan alóktono di MBO i HBO, respektivamente di enseñansa profeshonal sekundario i superior. Por pensa tambe riba proyekto di organisashonnan di migrante pa redusí tabúnan pa ku asuntunan manera hiv.
 
(Agensia di Prensa ulandes-ANP)