Reina Beatrix lo hiba un bishita ofisial na tur seis isla di e anterior Antia ulandes. Lareina lo ta di bishita di 28 di òktober te ku 6 di novèmber den kompania di prínsipe Willem-Alexander i prinsesa Máxima, asina RVD, servisio di informashon di gobièrnu sentral a partisipá djárason, 29 di yüni.

Ta promé biá ku e monarka ta bai Karibe despues ku a desmantelá pais Antia ulandes 10 di òktober di aña pasá na e paisnan nobo Kòrsou i Sint Maarten. Tambe ta pa promé biá tambe ku Lareina ta bishitá islanan Boneiru, Saba i Sint Eustatius den nan states nobo komo munisipionan ekstraordinario di Hulanda.

Aña pasá mes Willem-Alexander i Máxima tabata presente n'e seremonia na Kòrsou na okashon di disolushon di Antia ulandes.

Aruba a risibí states di pais outónomo den seno di Reino for di 1986. Último biá ku Reina 'Bètris' a bishitá Aruba i Antia ulandes tabata na novèmber di 2006.