PvdA di Diederik Samson ku 72 voto ta e partido mas popular na Sint Eustatius. Ku djis 1 voto ménos D66 a sali na di dos lugá sega e tiki stasianonan ku djárason 12 di sèptember a bai vota.

Atardi un ora promé ku urnanan a sera na Hulanda 120 votadó a presentá i ora urna a sera na Sint Eustatius un total di 274 hende a vota.

Esaki ta 15,74 porshento di e total di hende ku por a vota (1.760) na Sint Eustatius i konforme e prognosisna negativo. For di sondeo di opinion anterior a sali kaba ku gran parti de esnan ku derecho di vota lo no a usa esaki pa elekshon di Tweede Kamer.

Konteo ameno
Mientras ku kuarta pasá di nuebe djanochi un tim di sinku kontadó minusiosamente ta konta e votonan bou di maneho di presidente di sentro elektoral Millicent Romney-Lijfrock, un desena di stasiano ta wak ku interes. “Nunka e kantidat di voto no tabata asina abou riba nos isla”, ta e reakshon sorpresá riba e kantidat chiki di biyete di vota ku ta sali for di e urna.

“A lo menos nos ta kaba di konta lihé”, un di e kontadónan ta chansa i e ora ei ta baha un silensio. Ta habri e biyetenan, kontrolá i konta. Na final ta anunsiá e resultado preliminar, kaminda e presentenan no por keda sin basha un harimentu ora anunsiá ku PVV di Geert Wilders a haña dos voto stasiano. Djei e biyetenan ku koreo seyá ta bai Boneiru kaminda ta kontrolá nan atrobe pa riba 20 di sèptèmber anunsiá e resultado definitivo.

No ta un sorpresa
Segun diputado Kos Sneek e resultado na Sint Eustatius ‘no ta un sorpresa’. “Mi ta di Partido Demokrátiko riba e isla i den e simannan promé ku elekshon nos a konsehá tur hende ku ker a tende pa vota PvdA, D66 of ChristenUnie, segun Sneek, ku a vota D66. “Segun nos e tres partidonan aki ta esnan ku mas ta okupá nan mes ku bienestar di nos isla i ku a indiká ku nan ke solushoná nos problemanan ku kuido médiko, belasting i infrastruktura.”

No tin solushon simpel
E diputado no tin un solushon pa e kantidat abou di hende ku a bin vota. “Mi ta kere e votadó i e kandidato tur dos mester kustumá ainda. Tabatin muchu tiki informashon disponibel, i muchu tiki envolvimente di parti di pueblo mes. Pa tur dos mi ta spera ku aki kuater aña na luga di un urna lo tin tres yen yen di voto.”

Pa loke ta e impakto di e votonan stasiano riba e resultado final Sneek ta masha optimista: “Bo no mester wak e resultado sino mas bien e señal ku bo ta duna e partidonan komo isla. Ku votamentu nos ta mustra ta kiko ta nos opinion aki, i esei ta bon pa koperashonnan den futuro.”