Promé minister antiano Emily de Jongh-Elhage a pidi su kolega di Hulanda, Jan Peter Balkenende pa medio djun karta pa no ehekutá moshon di parlamentario Bosman.

Djárason, 8 di sèptèmber Tweede Kamer, o sea parlamento ulandes a vota pa e moshon, den kua ta mara un areglo di atmishon i di ekspulshon di antiano na un lei di Reino pa Tráfiko di Persona, ku tin di aprobá i pasa ainda promé k'e por drenta na vigor.

De Jongh-Elhage ta enfatisá den e karta ku for di 1993 Antia ta 'resistí kualke afektashon di siudadania hulandes no-fragmentá'. Pues gobièrnu antiano lo no koperá ku e moshon, segun e promé minister di Antia.