Gordura no tin nada di aber ku herensha, segun Frits Muskiet, profesor di patofisiologia i análisis klíniko-kímiko na universidat di Groningen. "Obesidat no ta un enfermedat. E ta un faktor di riesgo grandi pa diabetis i malesanan kardiovaskular."

 
Ta eksistí muchu mas riesgo, segun Muskiet, yu'i Sürnam pero ku a nase i lanta na Kòrsou. "N'e momentu akí e ta e kousa mas importante di infertilidat serka hende muhé." Hopi biá ta ser bisá ku gordura ta den famia, djis pasó e mayornan tambe ta balente. "No t'asina. E vershon hereditario di obesitas ta masha poko komun mes i e chèns ku'n hende ta sufri di ta kasi nulo."
 
Símbolo di nivel sosial haltu
 
"Nunka promé nos a yega di biba den un situashon asina obesógeno. Awendia nos por kome ki ora nos ke i kuantu ku nos ke. E kos ei ta nèk nos ya ku nos genenan ta impulsá nos pa kome hopi masha bon." Un kurpa yen ta símbolo di nivel sosial haltu serka algun grupo di poblashon. "Gruponan ku ta pasa di un pobresa relativo pa progreso, di tal manera ku nan ta kome nan barika yen"
 
Un di e kousantenan ta suku. Suku ta un di e supstansianan ku ta stimulá nos pa kome mas. "E kultura ku nos a krea rondó di nos, nos ta pasa pa nos yunan. Nos mes mester duna e bon ehèmpel."