Polis di Rotterdam ta bai vigilá binti prizonero antiano kriminal rigurosamente despues ku nan sali liber. Esaki pa evitá ku nan ta inkurí den kriminalidat. Ta un inisiativa konhunto di munisipio, hustisia i polis.

Bosero di polis Ger de Jong ta splika: "E inisiativa ta sali dje enfoke personal di polis, ku ta eksistí basta tempu kaba. Aki ta aserká i yuda hende personalmente pa nan keda riba e bon kaminda."

E binti kriminal ku a selektá ta provení di un grupo mas grandi. E selekshon akí tin di aber ku nan antesedente. Ta tira un bista riba loke a sosodé den pasado i si tabatin kuestion di residivismo.

"E kontakto despues di nan libertat ta intensivo. E intenshon no ta pa hende bolbe kai den nan patronchi bieu despues ku nan sali liber.

For di seno di kolegio i munisipio ta wak edukashon, trabou i bibienda pa yega na un resultado mas mihó posibel. Nan ta haña tratu di VIP na moda di papia. Ta hende importante den e sentido, ku ta hinka hopi energia den nan pa kambia e situashon."