Próksimo añanan munisipionan ulandes lo hasi mas esfuerso pa redusí e molèster ku hóbennan antiano ta okashoná. Te 2013 lo pone 9 mion di euro disponibel anualmente pa yuda e hóbennan aki, pa nan bai dilanti. Mitar di e suma lo bin di gabinete ulandes, e otr'un mitar di e 22 munispionan konserní, o sea munisipionan na Hulanda kaminda tin hopi Antiano ta biba, konosí tambe komo 'Antillianengemeenten'.

Konseho di Minister a disidí esaki djabièrnè, 2 di òktober. Un mayoria grandi di e 130.000 Antianonan bibá na Hulanda ta partisipá ku mashá doló den komunidat ulandes, kompará ku otro gruponan di minoria. Hóbennan antiano ta metí den krimen ku mas frekuensha, nan no tin trabou ni nan no ta kaba skol tampoko. E situashon ta penoso sobretodo na siudatnan manera Amsterdam, Rotterdam, Den Helder i Dordrecht.

Lo usa e plaka pa suprimí e problemanan i pa enkargá instanshanan komun na e munisipionan ku ehekushon di maneho di e hóbennan akí. Tur aña lo deliberá riba progreso di e plannan i di e resultadonan lográ. Den e añanan binidero gabinete ulandes ke alkansá mas Hulandes antiano (esnan resien yegá tambe) konhuntamente ku e munisipionan, i ofresé nan un método di integrashon i di idioma ku ta kuadra ku nan nivel i situashon.