Personal i detenidonan di prizòn Bon Futuro na Kòrsou a rekoudá másomenos kuatermil florin antiano pa víktimanan di e temblor na Haiti.

Tin dieskuater Haitiano detené na Bon Futuro. Nan tur a pèrdè un òf mas familiar durante e temblor ku a asotá e pais sumamente pober dia 12 di yanüari. No ta konosí kuantu hende a fayesé a konsekuensha di e desaster, pero ta kalkulá ku e kantidat ta mas ku 200.000.

Fuera di 4.000 florin antiano, personal i detenidonan a kolektá komestibles tambe. Djaweps 4 di febrüari a entregá tur kos na vise-kònsùl di Haiti i un representante di Krus Kòrá.

'Tur e dieskuater sekshonnan a duna sèn. Mayoria detenido no tin masha sèn, pero tur hende a duna un chipichipi', asina un prezu ta bisa. Anteriormente a bin haña kurpa sin bida di Angelo Isenia, ámtenar antiano di departamento di aviashon. Te ainda ta sigui buska kurpa di un di dos ámtenar antiano, esta Siegfried Francisco.