Dia 31 di mart Parlamento hulandes ta organisá kòmbersashonnan di mesa rondó pa prepará tratamentu di leinan di konsenso di Reino. E proposishon akí ta bini di parlamentario Johan Remkes (VVD), kende ta duda basta di partikularmente e lei di konsenso di polis.

Remkes ta haña importante pa skucha opinion di ekspertonan ku por duna nan huisio di e legislashon mané a poné awor riba mesa. 'Esei ta nifiká ku lo invitá hende di gremio di polis i tambe eksperto riba tereno di derecho di estado pa papia di Statüt.

Statüt
Segun Remkes Statüt ta e dokumento mas importante di Reino. 'Parlamento hulandes lo mester atendé kune ku masha koutela.' Remkes ta haña tambe ku polis ta un parti esensial den e kadena di mantenshon di lei. 'Ta p'esei mi ta haña masha útil pa laga hende djafó tambe tira un bista riba loke tin paden. Mi ta duda mashá si e medidanan ku a keda proponé, lo por resultá den un trato efektivo.'

Mas aleu Remkes ta nenga ku lo a proponé pa tene e kombèrsashonnan di mesa rondó pa retrasá tratamentu di leinan di konsenso di Reino. 'I te na ora mes ku esei ta hunga un ròl, lo mi no a bisábo esei.' E parlamentario ta haña ku no ta bon ku ta trata e leinan aki tòg awor ku gabinete ta demishonario. Djaweps 11 di mart Remkes (VVD), huntu ku partidonan PVV i SP lo hasi un delaster intento pa deklará e leinan kontroversial.

Remkes no ke bisa ainda ta ken ta e ekspertonan ku lo partisipá na e kombèrsashonnan. E ta haña lástima ku e mes no por a bishitá Antia promé ku a kuminsá trata e leinan. 'Lo a bálapena pa haña un idea di práktika, pa sa eksaktamente kon kosnan ta pará awor. Mi kier a haña un idea tambe di kon leu Sint Maarten ta pará awor.'

Parlamentario Johan Remkes (VVD) - skuch'é den un entrevista ku Scarlet Windster