Poeta i outor Erich Zielinski djarason 15 di februari a fayesé na Kòrsou. E tabatin basta tempu ta sinti malu.

Na 2003 Zielinski, ku tabatin 61 e tempu ei, a debutá ku e novela ‘De Engelenbron’, ku pa gran parti ta tumá lugá na Otrabanda, kaminda problema di droga i sobrevivensia ta parti di bida.

E buki ku entretantu ta bai mira su di tres imprenta tabata nominá pa e premio Gouden Strop i na aña 2007 a risibí Premio Cola Debrot na Kòrsou. Michiel van Kempen, e eksperto di literatura karibense a elogiá e buki komo ‘e debut di novela di mas importante for di tempu ku Frank Martinus Arion a debutá’.

Establishment
Zielinski a nase na Boneiru komo yu di un tata aleman i un mama kurasoleño, pero el a lanta den e bario bieu di Otrobanda na Kòrsou. Despues di su edukashon na akademia pedagógiko i un estudio di lei na Hulanda, Zielinski a bini Kòrsou bèk i tabata traha komo maestro di skol.

Den e tempu ei el a lanta e semanal Vitó i e tabata su redaktor tambe. Den añanan sesenta tumultuoso Vitó tabata un ‘revista krítiko’ ku tabata bai kontra éstablishment na Antia.

Na Kòrsou el a kaba su estudio di lei i a establesé komo abogado. Kuminsamentu di añanan setenta pa korto tempu e tabata redaktor hefe di e diario Beurs-en Nieuwsberichten, pero despues el a skohe pa traha komo abogado tòg.

Staatsregeling
Zielinski ta outor di e Staatsregeling alternativo di Pueblo Soberano, e partido ku e tabata miembro di dje. El a yama e konsepto ‘un manera pa trese orden den e pais nobo’. Erich Zielinski a bai sosegá na edat di 69 aña.