Lo oumentá suèldu mínimo pa Saba i Statia. Fuera di esei lo hisa edat di derechi di penshun di behes na e islanan akí, komokiera ku nan lo bira munisipio ekstraordinario di Hulanda. Na lugá di sesenta aña, e edat pa bin na remarke pa penshun di behes di gobièrnu lo bira 65 aña.

Na Kòrsou a sera un akuerdo al kaso entre minister Piet Donner di Asuntunan Sosial di Hulanda i representantenan di e islanan. Pa Saba i Statia lo subi suèldu mínimo moda k'e ta bira 2 euro 76 sèn pa ora. E nivel nobo di suèldu mínimo ta basá riba e situashon ekónomiko n'e islanan. Minister Donner ta husga ku un suèldu mínimo mas haltu, manera t'e kaso na Hulanda, por tin konsekuenshanan funesto pa ekonomia di e islanan antiano.

Saba i Statia lo forma parti di Islanan BES, ku lo kai bou di responsabilidat di Hulanda, miéntras ku Kòrsou i Sint Maarten lo keda outónomo, entre otro riba tereno di suèldu mínimo i edat di derechi di penshun di behes. (ANP)