Kontenido di Oro: Diseñador di moda Laurindo Andrea ta eskponé algun di su trahenan den Amsterdam Fashion Hotel. Glenn Silvanie ta lansa su di dos disko komo solista.

Glenn Silvanie di Duo Gleva ta aki na Hulanda pa estrena su di dos disko kompakto solista "Si mi tin bo, mi tin tur kos". Silvanie ke presentá su mes tambe komo konsehero eksperto pa yuda i konseha famia i parehanan dunando training i workshop. Otro aña e kantante gospel ke bin Hulanda pa duna un serie di konsierto i workshops.

Laurindo Andrea ta tene eksposishon den Fashion Hotel Amsterdam
Diseñadó yu di Kòrsou, Laurindo Andrea, ta eksponiendo algun di su trahenan den Fashion Hotel na Amsterdam. E gerensia di e hotèl a aserk'é i Andrea no a duda niun momento. E ta mashá kontentu ku e por eksponé su trahenan den un hotèl internashonal di moda kaminda hopi otro fashionista ta bai keda. Espesialmente den e tempu difisil aki di krisis finansiero ku el a hañ'é ta sera su tayer di moda. Andrea ta mira e eksposishon komo un paso stratégiko. E eksposishon ta dura té ku fin di ougùstùs i lo klousurá ku un event ku e hotèl ta organisá.

I notisia di farandula nashonal i internashonal.

Oro ta e rubrika di farandula di Wereldomroep tokante hulandesnan karibense ku ta destaká na Hulanda.

OJO: nos ta apresia bo reakshon, por manda esaki na i menshoná nòmber di e rubrika.

Presentashon: Goriaka Maal