Kontenido di Oro: un entrevista ku Dorothy Sherman ku ta'tin e honor di kanta pa Paris Hilton. Studiante Thanishah Craigg a lanta asosiashon di studiante Hvanti i mundu di farandula tin un strea nobo: rèper i kantante Francis Stacie.

"Rekordando e kosnan malu ku tabata pasando den 2011, mi a disidí di kuminsá skibi algun piesa", asina Francis Stactie a bisa. E ta preokupa ku loke ta pasa na su dushi isla Kòrsou. Stacie ta un artista diferente, e ta rèp i ta kanta piesanan positivo. Lo bo no tende palabra malu, sèks of violensha den su tekstonan. Su promé piesa yama: "Yuda nos". Kabamentu di aña por spera su disko nobo.

Dorothy Sherman ta kanta pa Paris Hilton
Dorothy Sherman intergrante di e trio Shermanology tabatin e honor di kanta pa Paris Hilton. Dorothy a kanta Happy B-day pa Paris durante di su fiesta di kumpleaños na Las Vegas. Shermanology a skibi algun piesa pa e produkshon nobo di Paris Hilton ku pronto lo ta riba merkado.

Tanishah Criagg ta lanta asosiashon di studiante
Oro ta tokante hulandesnan karibense ku ta destaká ku nan talento na Hulanda. Tanishah Craigg ta un di e personanan ei. E ta kabando su estudio di Media, Informashon i Komunikashon. Criagg ta presidente di studentenvereniging Hvanti, e asosiashon di studiante karibense di Hogeschool van Amsterdam ku el a lanta huntu ku 2 otro studiante kurasoleño.

I naturalmente notisia di farándula nashonal i internashonal.

Presentashon: Leila Wijnhoven-Constancia

Oro ta e rubrika di farandula di Wereldomroep tokante hulandesnan karibense ku ta destaká na Hulanda.

OJO: nos ta apresia bo reakshon, por manda esaki na i menshoná nòmber di e rubrika.