Kontenido di Oro: Un entrevista ku Johny Mercera di banda Rompecabeza ku ta selebrando su di 6 aña di eksistensia, Roël Calister ke pa henter mundu sera konosí ku su Kuenta i Tambú i Lyron Jamil Martina e úniko catwalkcoach kurasoleño na Hulanda ta konta kon e ta diferensia for di otro treinernan di pasarela na Hulanda.

Rompecabeza ta duna banda grandi dolor di kabes
E aña aki banda Rompecabeza ta hasi seis aña. Rompecabeza ta un banda chikí. Aktualmente e sorto di bandanan aki ta mashá solisitá serka organisadónan di eventonan. Johny Mercera dj popular di añanan 80 i 90 ta na kabes di Rompecabesa. Promoshon di boka pa boka ta traha bon pa su banda. Mercera ta kontentu ku esaki pasombra promoshon di banda na Hulanda ta kosta hopi sèn.

Roël Calister ke hasi Kuenta i Tambú konosí rònt mundu
Roël Calister ta un perkushonista ku hopi eksperiensia. E ta kontentu ku desaroyo di su proyekto Kuenta i Tambú. Wijnand Stomp un kontadó di kuenta inspir'é pa bin ku un shou di kontament'í kuenta rítmiko. Roël ke keda mantené e müsik di su ansestronan i laga mundu henter sera konosí kune. E banda tin un gira pendiente na Merka.

Lyron Jamil Martina, e úniko catwalkcoach kurasoleño na Hulanda
Lyron Jamil ta su nòmber artístiko. E ta siña modelonan femenino i mákskulino kon nan tin ku kana riba pasarela. Su amor pa shou di moda i bestuario a kuminsá na Kòrsou. For di chikí e ta'tin mag di drenta Sentro Pro Arte pa wak sertamen di entre otro miss Kòrsou. Semper e kos tabata den dje. Ultimamente Lyron tabata na televishon kaminda el a guia modelonan di e programa The Face. Pero Lyron ta gusta traha ku modelonan karibense. Nan tin un zwai natural, un femenidat ku e muhé oropeo no tin. Ta p'esei e ta gusta su trabou na Hulanda. Akinan e por yuda e hende muhé oropeo ser femenino.

I naturalmente notisia di farándula nashonal i internashonal.

Presentashon: Goriaka Maal

Oro ta e rubrika di farandula di Wereldomroep tokante hulandesnan karibense ku ta destaká na Hulanda.

OJO: nos ta apresia bo reakshon, por manda esaki na i menshoná nòmber di e rubrika.