Kontenido di último edishon di Oro: Aron Paul Bruynings ku karera artístiko na Spaña, kantante di Sint-Maarten, Mishulaika ta lansa su promé disko. I Izaline Calister ta regala nos ku karakter ekslusivo e estreno di su piesa promoshonal, "Damelo Aqui".

Huntu ku e grupo IGM den dekada di 90 Aaron Paul Bruynings ta bira bon konosi, despwes e ta traha algun tempu na ALM komo purser i despwes ta hanja un jamada di Toni Sherman pa bai kanta na Spanje. entre tantu 12 ana a pasa. Aktwalmente e ta biba na e siudad di Taragona i e ta kanta praktikamente tur dia.

MischuLaikah su promé disko ta kla!
Espesialmente den e luna aki pasombra MischuLaikah su disko ta klá. Na fèbrüari nos a será bo konosí ku e kantante aki ku a nase na Sint-Maarten i a hasi su estudio sekundario na Kòrsou. MischuLaikah a bin biba Hulanda i tabata tin suerte di kompaña Eros Ramazotti den algun konsierto. Fuera di esei el a pasa tambe den tempunan difisil. I tabata hopi malu na 2009. Pero el a vense! Awor ta tempu pa laga mundu sera konosí ku su músika. MischuLaikah su promé dikso yama: "Life -Music - Love". Siman pasá MischuLaikah a tene un pre-release na Rotterdam pa algun su invitadonan VIP. Pero promé ku esei el a biaha pa Stockholm pa estrená su disko. Einan e pakus prínsipal di su makiyahe ta situá. Nan a invitá MischuLaikah pa kanta algun di su piesanan den e pakus. Dia 27 di sèptèmber e kante di Sint-Maarten ta presentá su disko nobo ku ta konsistí di dos EP na Rotterdam.

MuschuLaikah- Take me away

Izaline Calister ku kansion nobo: "Damelo aqui"
Izaline Calister ta lansa su piesa promoshonal "Damelo aqui". Título di e album nobo ta "Kandela". Ku e produkshon aki Izaline ke mustra un otro parti di su talento. Mayoria piesa ta di su mesun outoria, ku hopi influensia latino. Ku "Kandela" Calister ta kanta algun hit latino di tur tempu na papiamentu.

Ta e idioma ku e por ekspresá su mes miho aden, pero sinembargo tin hopi latino na Kòrsou ku ta papia un meskla enkantandor di spaño ku papiamentu.
Den e piesa promoshonal "Damelo aqui". E piesa ta konta di un latin-lover ku ta purba konkistá un chek den su miho papiamentu.

Riba e produkshon "Kandela" tin un vershon speshal di e piesa "Cirkel" di e rèper Fresku, kaminda e ta rèp speshal pa Izaline na papiamentu. For di 26 di òktober "Kandela" ta obtenibel na tur diskobar. Riba 8 di novèmber Izaline Calister ta tene presentashon ofishal di su disko den Het Paard van Troje na Den Haag.

Izaline Calister - Damelo aqui

I naturalmente notisia di farándula nashonal i internashonal.

Presentashon: Leila Wijnhoven-Constancia i ami ta Goriaka Maal

Oro ta e rubrika di farandula di Wereldomroep tokante hulandesnan karibense ku ta destaká na Hulanda.