[media:image_id 77567]Outoridatnan irlandes a lanta konfiskashon di e avion di Arkefly, ku mester a hasi un aterisahe di emergensha ayera na Shannon Airport, pa motibu di un alarma di bòm. Investigashon a demostrá ku no tabatin eksplosivo na bordo.

E Boeing 767 ku 224 pasahero na bordo a lanta buelo na Schiphol ku destino Aruba i Kòrsou. E piloto a disidí di hasi eskala na Irlanda despues ku un pasahero bruá i agresivo a bisa un par di biá ku tin bòm na bordo. Polis irlandes a arestá e hòmber, un Hulandes di 44 aña di edat.

E 224 pasaheronan mester a barka un otro'un avion di ArkeFly na Shannon pa kontinuá nan biahe rumbo e destinashonnan Aruba i Kòrsou. Nan ekipahe ta den e avion ku mester a keda atras na Irlanda. Lo hiba nan mas pronto posibel pa nan doño.