E atvertensha pa tormenta tropikal Fiona ta keda vigente pa Sint Maarten. Sinembargo ta spera ménos daño ku loke orkan Earl a okashoná djaluna último n'e isla. Pa Saba i Statia ta konsehá únikamente pa tir'un bista riba e tormenta.

National Hurricane Center, e instituto merikanu di estudio i di vigilansha di orkan na Florida ta premirá ku e ruta di Fiona ta bai ta mas nort ku Earl or'e pasa na Islariba. Awemainta e wowo dje tormenta tropikal tabata ubiká na por lo ménos 300 kilometer ost di e islanan, ku velosidat di bientu te 65 kilometer i mas pa ora.

Despues dje orkan di antayera djaluna a start rápidamente ku trabounan di limpiesa n'e islanan, pa restunan di biá pasá no keda tirá riba kaya si un tormenta nobo mester pasa. Ekspektiva ta ku den kurso di dia bientu di tempestat lo lanta atrobe na Sint Maarten. Probablemente skolnan lo bolbe habri mañan djaweps.

Saba i Statia
Na Saba i Sint Eustatius a rekuperá suministro di koriente kasi por kompleto. Bos a kai rib'e planta sentral na Statia ora ku orkan Earl tabata pasando, loke a pone henter e isla keda den skuridat. Na Saba e orkan a okashoná ménos daño.