Aña 2011 ta yegando na su fin. Un aña den kua kantante i outor Levi Silvanie a siña hopi. Kuminsamentu di aña el a pèrdè su bon amigu poeta Hemayel Martina ku a fayese den un aksidente di outo. Na sèptèmber el a presentá ku su banda na e di dos Curacao Norht Sea Jazz Festival. Su deseo pa hulandesnan karibense den 2012: "Mira bo mes den bo totalidat den 2012."

Despues di Curacao North Sea el a tuma un pousa. E tabata muchu drùk i ta'tin demasiado emoshon ku e no a ekspresá. Pues el a tuma tempu despues di desèmber pa dil ku nan. Un aña ku 'up and downs'. "Ta un aña ku a bai mas lihe ku tur otro aña".

Fayesemente di Hemayel
Den 2011 el a pèrdè su bon amigu poeta Hemayel Martina. Nan no tabata konose otro hopi tempu dia ku el a muri pero tòg nan amistat tabata hopi profundo. "Tabata hopi difisil", Silvanie ta konta. E ta gradisido ku e ta kere den un ser supremo. "Tur kos ta pasa pa un motibu. Lo mi no ta por a kompronde i asepta e situashon si mi no tabata kere." Morto di Hemayel a laga Levi Silvanie komprondé kiko kemen pasa dor di kosnan ku bo no por evitá. "Bo ta bira mas fuerte i mas sabí".

2011
E aña aki tabata konosé momentunan supremo tambe pa e kantante Yu di Kòrsou. Riba un dia den zomer el a lanta ku e sintimentu ku un kambio a tuma lugá. "Mi a lanta un mainta un otro un hende, a sosode un upgrade." Loke a duné e afirmashon ku ta e tempu pa pidi su frei pa kasa. "Diripiente bo ta sinti e balor di ké komparti bo bida ku un hende."

Ku no ta tur kos a kana manera Silvanie tabata ke den 2011 ta un echo. E mes lo ke haña un chèns mas pa hasi su presentashon na Curacao North Sea Jazz di nobo. "E trip tabata hopi stressvol." E no a haña e oportunidat pa disfrutá di e festival manera e tabata ke. "Mi mes no ta'tei fisikamente." Segun Silvanie esei a trese un un efekto negativo riba e tim ku el a bai kune. "Tabata promé biaha ku mi a bai Kòrsou bèk despues di fayesimentu di Hemayel. Tatin mas ku un kos ta hunga un rol. El a bira un karga hopi pisa pa mi". Entretantu el a papia tur kos ku su banda i tur kos ta kanando bon atrobe. Silvanie ta plania pa saka su disko nobo "Different" kuminsamentu di 2012.

Deseo pa 2012
Levi Silvanie su deseo pa tur hulandes karibense den 2012 ta pa tur hende siña balorá i aseptá nan mes manera nan ta. "Un aña kaminda kada un persona ta mira su mes den un bista nobo. Mira bo mes den bo totalidat." E outor kurasoleño ta haña ku pueblo di Kòrsou ta bunita, inteligente i poderoso pero e habitantenan di e isla tin ku uza e potenshalnan ei awor.