Sontje ta kana orguyoso ku su bala di Feyenoord ku el a kaba di haña den kayanan di Fleur de Marie. Huntu ku su kompañeronan di wega di bala Shemier, Raimundo, i Cleiter el a tende ku e tin mag di partisipá na e kampamentu di futbòl di Feyenoord, ku den aprel lo tuma lugá riba e vèltnan di cvv Willemstad.

E klup di Rotterdam-Zuid a baha e siman akí na Kòrsou pa buska 150 mucha hòmber chikí i algun mucha muhé pa ‘train nan manera Feyenoord ta hasi esei.’ Pa e mayornan di Sontje i tambe pa esnan di e otro tres mucha hòmbernan un deseo imposibel: 500 florin di inskripshon esei ta hopi. 

E organisashon a reservá sinembargo trinta lugá pa e muchanan ku nan mayornan lo no por paga e montante ei. Muchanan manera Sontje.

Feyenoord
Sontje su kara ta radiante di orguyo. E bala tabata un soño profundo di Josje Smits di Unidat di Bario Kòrsou. E organisashon ta hasi su esfuerso i dedikashon pa mehorá barionan na Kòrsou. E tabata ke algun bala pa e mucha hòmbernan pa nan por hunga bala dilanti riba e plenchi. Di un kos a bini otro i ata e delegashon di Feyenoord den ofisina di Unidat ku temporalmente ta sirbi komo centro di bario. 

Sontje ta un nòmber di kariño. Riba e formulario di inskripshon di e kampamentu di Feyenoord ta pará Guisonne Girigori Sambo, 14 aña di edat, alumno di klas 1A na Albert Schweizerschool. E ta biba na kas ku su mama i kuater otro ruman. Despues di skol ta hañ’ é mayoria bes dilante e ofisina di Unidat dio Bario den a  Fleur de Marie. Òf den e ofisina mes. Einan su amigunan ta tambe i ei nan tin internet.  

Skòp bala
Nan ta hunga futbòl mas lat atardi, pasobra promé ku esei solo ta kima demasiado. Awe no tin wega, pasobra èks hungadó di Feyenoord Ben Wijnstekers i Curtis Martels di Feyenoord Soccer ta bin buska e fromularionan di inskripshon.

“Kisas nos por skòp bala ainda “ ta loke Sontje ta spera. E ta un tiki tímido pa motibu di e atenshon di medionan di publisidat. Miéntras ku direktor Martels ta papia di e ‘marka’ Feyenoord, su pensamentunan ta dualu . “ Mi no tabata sa di kiko nan tabata papia’, asina e ta splika después i e ta atribuí esei na su mal hulandes. “Pero esei no ta nada, mi tin un bala i después nos por hunga bala.”

Messi
Manera tur otro mucha hòmber di 14 aña Sontje tambe ta soña di bira futbolista profeshonal: Barcelona ta mi ekipo preferí, Messi. Lo mi ke hunga bala manera e.” Si puntr’é pa un tim di Hulanda, nan tur kuater ta grita pareu: Ajax!

Pa e delegashon di Feyenoord e tarea pisá pa promové ‘e marka propio’ na Kòrsou. Fleur de Marie te ainda no ta “in”. Sontje i su kompañeronan a lubidá Barcelona un ratu i ta skòp bala ku e mihó back derecho di Feyenoord. Ben Wijnstekers. Awe no tin diferensia. 

---------------------------------
Mas potrèt di e mucha hòmbernan di Fleur de Marie riba página di  Facebook di  Aworaki.nl