Hende koló skur tin mas chèns di haña osteoporósis, un enfermedat kaminda bo wesunan ta pèrdè kalki. Esaki a resultá for di un investigashon di e kompania di suplemento di nutrishon FitForMe.

E kousa ta ku hende koló skur tin mas falta di vitamina D i di kalsio ku hende koló kla of blanku. Espesialmente hende koló skur den áreanan ku tiki solo tin chèns na mayor medida pa haña defisiensia di kalki den wesu.

Lus di solo
Hòmber i muhé koló skur mester di hopi lus di solo pa produsí vitamina D. Na Sürnam esaki no ta problema, ma na Hulanda sí tin ménos solo.

Drs. Simon Hamer di FitForMe ta splika: "Hende koló skur ta konvertí ménos vitamina D ku nan kueru. Esaki i falta di solo ta pone ku hende koló skur ta ingerí ménos vitamina D.

Falta di kalsio
FitForMe a hasi investigashon na Hulanda i Bélgika. 72.000 mil i piko hende a yena e tèst. For di e investigashon a resultá ku falta di vitamina D ta pone ku apsorpshon di kalsio no ta sufisiente, siendo ku ta un mineral indispensabel pa formashon i mantenshon di wesu.

E kos akí ta oumentá riesgo di kiebro di wesu. "Hende koló skur ta usa ménos produkto trahá di lechi, loke ta pone ku nan wesunan ta ménos fuerte."

Suplemento
Si tuma suplemento esaki no ta bòltu e proseso di daño. Hamer: "Si nos rekomendá un suplemento, e por frena òf para e proseso di degenerashon.

Lástimamente no t'asina ku nos por drèi e daño hasí bèk. Kurpa di hende mes ta traha material nobo pa wesu te ku su 35 aña di bida. Despues djesei ta atras so e ta bai.

Segun Hamer nutrishon riku na vèt di bestia manera manteka dushi òf margarina por trese un solushon, "ma no dimas tampoko pa motibu di e peliger di kolèsteròl haltu.