Pa hende muhe sürnameo i antiano bentahanan di kuminda salú ta muchu ménos ku e desbentahanan. For di un investigashon na Wageningen a sali na kla ku pa e motibu aki nan ta kome ménos salú.

Muhé sürnameo i antiano ta bisa ku nan ta 'biba pa kome', mientras ku Hulandesnan, segun nan,  ta 'kome pa biba'.

Desbentaha
E desbentaha mas grandi di kuminda mas salú ta e smak, segun e 31 damanan antiano i sürnameo ku a partisipá na e investigashon. Komo ku e kuminda ta smak ménos bon, por disfrutá ménos di e kuminda. Investigadó Elvi van Wijk-Jansen: "Kuminda salú no ta yena barika tampoko, e ta mas trabahoso pa kushiná i e ta pidi kreatividat tambe."

Bentaha
Tin bentaha tambe segun e muhénan. Por ehèmpel, bo por prolongá bo ekspektativa di bida. Ademas, e muhénan ta kere ku nan ta sinti nan mes mas rápido i ku mas energia si nan kome mas salú. Pero segun e partisipantenan na e investigashon e desbentahanan ta mas grandi ku e bentahanan.

Sobrepeso
Banda di edat, sekso i statùs sosial ekonómiko, etnisidat ta hunga un ròl importante den prevenshon di sobrepeso. Tin mas sobrepeso seka Sürnam i Antiano ku seka Hulandes outóktono. E muhénan den e investigashon ta sali for di un ideal di beyesa diferente: un kurpa poko yen ta atraktivo. Fuera di esei nan ta duda dje relashon entre kome salú i baha peso, i nan no ta konvensí di e riesgonan di sobrepeso pa salú. Ademas, nan ta haña ku tin tiki sosten pa un sistema di kome mas salú i pa pèrdè peso.

A sali tambe ku nan ta konsiderá nan mes muchu gordo te ora nan no por move bon mas, òf no ta sinti nan mes bon. Tanten e damanan sürnameo ta sigui gosa di nan Chow Mein, banana hasá, òf sòpi di pinda i e esnan antiano ta saboriá nan karni stobá ku vèt i tiki bèrdura.

Elvi van Wijk-Jansen den kòmbersashon ku Sam Jones (na hulandes)