Kos ta malu pa futbòl hubenil na Kòrsou. Hubentut di 7 pa 17 aña ta hunga futbòl un dia si un dia nò. Skor i lista di klasifikashon no ta konosí i djosa kontra ken mester hunga próksimo be.

Matthew (11) ta hunga den U13 di Willemstad i ta sera su frenta ora puntr’é kon haltu su tim ta pará. Milon, tambe di 11 aña ta hunga seka Quick ’60 i e temporada aki a hunga kuater be so. Motibu: e vèlt no ta sirbi, e otro tim no ta bini òf awa ta kai.

Kategorisá
Erickson Statie ta e gran hefe di hubentut seka bònt Federashon di Futbòl Kòrsou (FFK). E ta konfirmá e situashon krítiko di futbòl hubenil, pero mesora e ta bisa tambe ku a kategorisá e problemanan i ku ta trahando duru na solushon.

Segun Statie e kondishn di e vèltnan ta e problema di mas grandi. E tempu i espesialmente e awaseru na Kòrsou regularmente ta stroba wega. Ademas, segun Statie, hopi tim na Kòrsou no tin un vèlt mes i ta dependiente di otro klup pa por hunga.

Organisashon
E krítika di e klupnan ta ku e organisashon di FFK no ta kumpli. Asina tin un programa si na kuminsamentu di e temporada, pero bònt no ta bisa unda tin ku hunga e weganan.

“Den kompetishon nos no tin wega na kas òf afó. Bònt mester regla e vèltnan, pero esaki no ta logra pasobra tin asina tantu kambio”, segun Statie.

E hefe di hubentut ta bisa ku otro aña mester tin un solushon pa e problema aki, pasobra bònt ta bai obligá e klupnan pa regla nan mes vèlt. “Klupnan for di otro aña mester disponé di nan ‘propio vèlt’. Du hür òf nò, esei no ta importá. Nan mes mester regla e asuntu. Asina mester bira posibel – i nos lo hasi esaki tambe – pa organisá dos ronda, na kas i afó.

Prioridat
Ku klasifikashon i skor no ta konosí segun Statie ta pa motibu di falta di hende den FFK. “I, masha kontra mi smak, nos ta duna prioridat na promé i di dos divishon, no na futbòl hubenil. Ademas e rèferinan ta entrega nan formulario di wega te na fin di luna pa nan ta sigur di haña nan sèn.”

“Ta un punto di atenshon pa e lidernan di wega pa meldu e resultado mes ora”, Statie ta bisa: “pero un problema mas grandi ta ku e rèferinan no ta bin blo. Un sistema nobo di but mester para esaki.”

For di balansa
Bònt ta skohe pa no publiká e skornan pasobra kompetishon ta for di balansa pa motibu di tur e faktornan aki. “Pa motibu di preshon for di e klupnan nos lo kuminsá di hasi esaki tòg otro siman”, segun Statie.

Matthew i Milon mester mira ainda. Nan ta hunga futbòl for di nan di ocho aña seka e klup i nan no sa mihó ku ta djarason ta tende kontra ken ta hunga djasabra. Kisas kontra otro.