Radio Nederland Wereldomroep huntu ku Telecuraçao i Radio Hoyer (Korsou) ta organisá dos debate ku hoben yu di Korsou. E pregunta sentral lo ta: Kon multikultural e komunidat kurasoleño ta? Kiko hobennan mes ta kontribuí i kon nan ta mira nan propio ròl? E prome debate lo tuma lugá na Hulanda dia 29 di novèmber 2009 i ta sirbi komo introdukshon pa e debate na Korsou dia 7 di desèmber 2009.

Na Hulanda lo transmití e debate via MTNL i NosTeVe. Por sigui e debate na Kòrsou live via Telecuraçao i Radio Hoyer. Prome ku esaki nan lo transmití e debate hulandes. Un impreshon di e debatenan por mira riba internet: www.caribiana.nl
 

Pregunta sentral
Formalmente lasonan entre e diferente partinan di Reino lo bira mas será ora otro aña Korsou bira un pais independiente. Kiko e laso direkto ta nifiká pa toleransha di Yu di Korsou pa Hulandes riba nan isla? Ta parse manera dia pa dia e toleransha ta bira menos.
 

E debate lo trata kambionan ku por tin den relashonnan entre Yu di Korsou i Hulandes den un komunidat ku semper tabata multikultural. Kon hobennan Yu di Korsou ta dil ku e kambionan aki?
 

Ta tene e debatenan na Papiamentu i un intérprete lo tradusí na Hulandes.