René Roodheuvel, e último sinku añanan koresponsal i representante regional di Radio Nederland Wereldomroep na e anterior Antia Hulandes i Aruba, djabièrnè pasá a tuma despedida di kolega i amigunan.

Den último sinku aña Roodheuvel a duna den e programanan di radio i riba e websitenan di Wereldomroep ‘un bista profundo i práktikamente kompletu di notisia i aktualidat riba e seis islanan’, di akuerdo ku Henny Vos, hefe di Redakshon karibense na Hilversum. Roodheuvel tabata koresponsal tambe di notisiero NOS i di Radio 1 na Hulanda.

"René tabata bos i kara di Wereldomroep i di NOS na Antia. Tambe e tabata e persona di kontakto pa un gran kantidat kresiente di sosio den medio di komunikashon riba e islanan.”
A yega un fin na su detashamentu na Antia, pero no na presensia di Wereldomroep riba e islanan.

Un redakshon bilingual na Kòrsou bou di direkshon di Dick Drayer a tuma su tareanan periodístiko. Roodheuvel i su señora Ineke Esmeijer ta bai bèk Hulanda, kaminda e ta bira hefe di Produkshon Sosio.