Klup di futbòl hulandes profeshonal tin Kòrsou na bista. E esfuerso di Curaçao Soccer Academy pa señala i desaroyá talento riba e isla a hala atenshon di klup hulandes profeshonal. NAC, RKC i FC Utrecht awor ke koperá ku e skol di futbòl.

Asina Hans van Elden (55), direktor tekniko, ta bisa. Su Curaçao Soccer Academy (CSA) – un inisiativa di Fundashon Bon Intenshon di Gregory Elias – for di kuminsamentu di febrüari ta train un grupo di 35 hungadó hóben talentoso di diferente klup di Kòrsou den un proyekto speshal di despues di skol. Esaki ta sosodé na FFK, e bònt di futbòl di Kòrsou na Brievengat.

E direktor tékniko ta satisfecho ku e promé sinku lunanan: “Mi a mira mucha hòmber ku tabata terorisá nan bario ora ku nan a bini seka mi. Awor ta mucha hòmber ku pashon i disiplina, ku tin státùs den nan bario, pasobra nan ta hunga futbòl seka nos.”

Talento
“Na Kòrsou tin un konsentrashon di talento”, van Elden ta bisa. “Kontrali na Hulandi mucha na Kòrsou ta hunga bala riba kaya te ora solo baha. E manera di move di hoben di ocho, nuebe aña ta tremendo i ta esaki nos ta wak bon riba e edat aki: kiko nan por hasi ku un bala?

Motibu pa CSA pa despues di fakansi grandi kuminsá ku un klase di edat nobo: un grupo di hungadó U10. “Mas hoben nos guia e mucha hòmbernan aki, mas chèns nan tin pa ta eksitoso den futbòl di kumbre”, van Elden ta bisa. Hungado di U10 tin 8 pa 9 aña.

Gana
E selekshon di e grupo nobo ta kuminsá na ougustus. CSA no ta usa e klupnan regular p’esaki. E klupnan de kompetishon hubenil di Kòrsou segun e direktor tékniko no tin un influensha positivo riba e kalidat di futbòl.

“Hopi klup no por organisá un onsena drechi òf no tin niun sorto di maneho hubenil. Nan ta hasi kiko ku ta. Nunka un di e klupnan a produsí un talento ku ta logra den futbòl di kumbre. Ademas e fókùs ta espesialmente riba ganamentu i no riba desaroyo di hungadónan individual.”

“Si bo ke drecha un hungado, bo por poné den un kategoria di edat mas haltu pa e haña mas resistensha loke ta nesesario pa su defensa mental.” Segun Van Elden e klupnan no ta hasi esaki pasobra e miho hungadó ta ‘nesesario’pa gana un wega den su mes kategoria di edat.. “Inkomprendibel”, e direktor tékniko ta bisa.

Bai Hulanda
Van Elden ta bisa mes ora sí ku no ta e intenshon pa laga un hungadó bai Hulanda mas pronto posibel. “Bou di nos guia di mes e tempu lo yega ku un hungadó por pasa pa un klup na Hulanda òf Merka, òf keda sin bai niun kaminda”, segun Van Elden.

“Ta mas importante pa lag’é desaroya bon, aki serka di kas, pa alkansá su posibilidatnan individual. Tur hende no por bai Ajax òf PSV, pero kisas NAC, RKC òf FC Utrecht sí.