Rèper Kempi ta bai partisipá na De Grote Jezus Quiz ku ta pasa na televishon hulandes riba di dos dia di Pasku di Resurekshon. Emisora kristian EO ta pasa e kues tokante Kristu.

E rèper ta forma parti di un grupo di hulandesnan konosí ku lo tin ku laga sá kon profundo nan konosementu di Pasku di Resurekshon i Hesus tá.

Ta parti e artistanan hulandes konosí den dos grupo. Syb van der Ploeg i Danny de Munk ta kapitan di kada grupo. Entre otro Howard Komproe tambe lo forma parti di e tim ku ta partisipá na e Grote Jezus Quiz.