Mester regla posishon di Papiamentu na Boneiru i Ingles na Statia i Saba den legislashon. Asina dr. Bastiaan van der Velden, èks trahadó sientífiko na UNA ta bisa.

Chèns ta grandi ku e idiomanan lo bini den pertá na momentu ku islanan BES bira un munisipio speshal di Hulanda, segun Van der Velden. "Tin hopi legislashon den parlamentu hulandes, ku ta indiká kua legislashon di Antia Hulandes lo keda na vigor pa e islanan BES. E Ley di Idioma Ofisial no ta 'riba e lista aki."
 

Konkretamente no tin un areglo pa e idiomanan ku ta papia na islanan BES, asina e èks trahadó di universidat, speshalisá den investigashon di idioma fris (di Friesland) ta bisa. E mesun reglanan manera pa Fris mester inkorporá pa Papiamentu i Ingles den e legislashon.
 

Pakiko no a regla esaki ainda? Segun Van der Velden ta pa motibu di un sierto miedu seka amtenarnan na Den Haag. "Miedo pa un problemasia di idioma nobo na Hulanda ku nan no tin gana di dje. Ma ta un aspirashon nesesario. Si den konseho insular no por usa Papiamentu mas, esaki ta nifiká ku bo no no por komuniká mas ku un parti di pueblo. I esei no ta intenshon di un demokrasia."