Meskos ku Saba i Sint Eustatius Boneiru tambe ta haña un pago èkstra. Pa Boneiru esaki lo ta 4.9 mion dòler. Ademas e tres munisipionan ekstraordinario ta haña 800 mil dòler pa trato di problema sosial ekonómiko. Asina Minister Spies di Asuntunan Interior i Relashonnan den Reino a laga sa djaluna den parlamento hulandes.

Na total e tres islanan ta haña un oumento di 8.2 mion dòler loke ta bira un total di 42.9 mion dòler. Sint Eustatius ta haña 1.3 mion dòler aseka i awo lo haña 9.2 mion dòler. Pa Saba tatrata di un oumento di 1.2 mion dòler pa bira 8 mion, i Boneiru pues ta haña 4.9 mion dòler bai bira 24.9 mion dòler.

E pago liber aki pa e islanan di Hulanda karibense por kompará ku e pago general na munisipio hulandes for di e fondo di munisipio. E adaptashon di e haltura di e pago ta sigui investigashon di haltura di e pago liber den relashon ku e tareanan ku e islanan mester ehekutá. For di e investigashonnan aki gabinete ta konkluí ku oumento di e pagonan liber di 34.7 mion pa 42.9 mion dòler ta rasonabel.

Reakshon
Sint Eustatius i Saba su reakshon riba e oumento tabata varia. Na Sint Eustatius Koos Sneek di Finansa ta ferwagt ku e plaka ‘lo kaba kasi kompletamente na premionan sosial di doño di trabou, na lugá di por us’é pa finansamentu di e maneho nobo pa e isla’.

Na Saba bestuurscollege ta ‘satisfecho ku e plaka ekstra’. Segun Bestuurscollege e suma ta mas abou si ku loke a rekomendá den e ‘Referentie Kader Rapport’ di Ministerio di Relashonnan Interno i Asuntunan den Reino, pero tòg mas haltu ku a ferwagt, mirando e ekonomisashonnan na Hulanda.

Propio reponsabilidat
Segun e minister e islanan tin nan propio responsabilidat tambe. “Asina por drecha kobramentu di belasting. Tambe por buska fuente di entrada nobo. Asina por ehèmpel, kontrali na Boneiru, Sint Eustatius i Saba no ta kobra belasting di tereno. Pero Spies ta bisa tambe ku mester tene kuenta ku preshon di belasting riba e habitantenan i empresanan di e islanan.