Sint Maarten a haña un bestürskòlezje nobo. E kolegio ehekutivo akí ta konsistí di National Alliance, ku ta gosa di apoyo di Theo Heyliger i di Louie Laveist den Konseho Insular. Resientemente nan a kibra ku Democratic Party i a dal bai komo miembro independiente di Konseho Insular di Sint Maarten.

 
Djaluna 8 di yüni e kolegio bieu di DP a baha i mésora a instalá un kolegio ehekutivo nobo. Heyliger ta mantené su kartera di infrastruktura i obra públiko. Laveist no tin mag di desempeñá un puesto públiko komo ku poko ten pasá a sentensié debí na korupshon. Ta p'e motibu akí e ta sigui komo miembro independiente di Konseho Insular.

William Marlin lo bira e dirigente polítiko nobo. Esun ku ta salta na bista den e kolegio ehekutivo nobo ta Xavier Blackman, èks sekretario di estado na nòmber di partido WIPM di Saba. E lo haña kartera di finansa. Mas aleu Frans Richardson i Hyacinth Richardson lo bira diputado na nòmber di National Alliance.
 
Claude Wathey
Ku retiru di Heyliger DP ta pèrdè e nietu di fundadó Claude Wathey, e hòmber ku a trese hopi progreso na Sint Maarten durante su gobernashon di aña largu. Su nietu a fada di e plèitamentu den DP i ta spera di por traha mió na benefisio di Sint Maarten huntu ku National Allliance. 
 
Respaldo di Laveist pa Bestürskòlezje no ta esensial pa e kolegio nobo, pero e ta ofresé un margen mas amplio sí. Próksimo simannan e kolegio ehekutivo nobo mester formulá un programa. E puntonan klave ta e futuro statùs aparte di Sint Maarten, ekonomia i turismo, i tambe enseñansa i medio ambiente.