Kòrsou ta kana dilanti den Karibe pa loke ta energia duradero. Esaki direktor Joao da Canha di Bureau Telecommunicatie & Post (BTP) ta haña. E kabes di reguladó di energia BTP ta fokùs espesífikamente riba e klima polítiko i gubernamental: tin interes pa ‘koriente bèrdè’.

Carlo Braun, konsehero di energia, ta haña ku Kòrsou ta riba bon kaminda. Meskos ku Da Canha e ta wespet den Bon Informá, e foro di konosementu di Wereldomroep.

Vishon
“Di tur manera tin un vishon kaminda tin pará ku nos ke hasi e kapasidat aktual di 120 dòbel bai 240 megawatt. Gran parti di esaki lo generá den e parkenan di bientu na Tera Kòra i Playa Canoa”, Braun ta bisa.

“E invershonnan nesesario ta sali for di e punto di bista si ku ta usa e kapasid èkstra aki,” segun Braun. “Ke men si nos sigui konsumí 120 megawatt so, e ora ei sí nos tin un problema”, segun Braun.

Eksposishon
E di tres wespet den studio ta Jacques Heide. E ta lider di e kampaña ‘Maneho Nobo diElektrisidat’ di gobièrnu. E kampaña aki ta sera ku e ‘2012 Conference & Expo on the Future of Durable Energy’, ku ta tuma lugá na World Trade Center. Segun Heide e eksposishon mester entusiasmá públiko grandi tambe pa energia duradero.

“Durabilidat ta kuminsa ku spar”, Heide ta bisa. “Wak kon bo por baha e kuenta. Despues bo ta bai wak kon bo ta bai hinka e sobra nesesidat di energia den otro. Nèt publiko grandi por hunga un papel grandi aki. Ta p’esei den nos kampaña riba www.energiakonsiente.com nos lo bai pa lampi di spar i aparato eléktriko ku no ta usa hopi koriente.

Gana plaka
Carlo Braun ta kontentu ku gobièrnu ta realisá ku mester di energia duradero. “Huntu nos tur ta trese 300 mion florin aden pa aña - sin belasting i impuesto di duane - pa kumpra kombustibel fòsil. Esaki ta 2000 florin pa kada persona di poblashon. Si pa medio di energia alternativo nos por spar un terser parti di e suma aki, na final nos ta gana plaka.”