Puntra pasahero prosedente di Sürnam i di Antia kiko nan a bin hasi Hulanda òf 'ken a paga bo pasashi?' ta un akto ilegal. Ku tur probabilidat esaki lo bira veredikto di Hoge Raad, o sea Konseho Supremo, despues di e opservashon negativo di abogado general riba e parti akí di e kòntròl 100 porshento na e airpuerto hulandes. Masha poko Hoge Raad desviá di konseho i rekomendashon di abogado general.
E kaso a kuminsá lora despues ku un kliente sürnam di abogado Iwan Appel a bai wes. Appel ta bisa ku awor sí ta kla ku pa lèi no ta eksistí outorisashon pa interogá pasahero. A detené su kliente komo ku e no kier a kontestá pregunta di duana. "A impon'é but pasobra e no a koperá ku orden ofisial." Korte di Hustisia a desaprobá e but i e abogado general ta di akuèrdo ku esei.
Sospechoso
Duana ta bisa ku a detené e hòmber despues ku kachó di droga a wòu. Appel ta desmentí esei: "E kachó a grita serk'un otr'un persona, yu hòmber di mi kliente. Asinta ta ku no tabatin sospecha en kontra di mi kliente." Appel ta konsehá pasaheronan for di Sürnam i Antia pa no kontestá pregunta mas si nan no ta deseá esei. Esnan ku duana no ta konfia tampoko no tin mester di rospondé nada: "Si bo ta sospechoso, bo tin derech'i sera bo boka."
Dia 19 di yüni Hoge Raad ta duna su veredikto. Den kasi tur kaso e konseho supremo ta sigui rekomendashon di abogado general.
Email this Article
Printer-friendly version
di un banda ku tur rason. ami ta hanja ku ta overschrijd prive di persona of personanan.otro banda mi ta bisa ku ta un a danja pa otro. esey tambe nos tin ku asepta y ta pesei e ley nan aki ta na vigor.pero pa un turko duanero bin puntra ami yioe di corsow nase na corsow dikon mi a bai pa siete dia so, ta bai un tiki leeuw.pesei mester bai hof van europeese staten waak si e ley aki ta na vigor.paso trahando ku makamba nan y nan ta bai corsow nan mes ta sinti nan behandeld como crimineel ora tur e cacho y duana controla nan. kiko ta para pa un yioe di corsow con e ta sintiele.
Post new comment