Juenne Hulleman ta un dama antiano di 36 aña di edat. E ta biba ku su famia na Vaassen, un pueblesito ulandes pegá ku Apeldoorn. Aña pasá el a disidí di hasi su soño realidat: benta di artíkulo pa fiesta riba énternèt. Hulleman a konvertí su depósito patras den kurá den un 'tienda di fiesta'.

E komersiante antiano kier konkistá potensial kumpradó den bisindario ku dekorashon di blas. 

Juenne ta konta ku tempu ku el a bin Hulanda, e tabata dòrna blas pa hende komo djòp den banda. El a

lanta su tienda di fiesta yamá 'Koko's feestpaleis' na Vaassen, den serkania di Apeldoorn. Tempu ku

Juenne tabata biba na Kòrsou kaba e tabata dòrna fiesta ku blas.

E tienda ku e tin na Vaassen no ta bende artefakto

eksistente so riba merkado hulandes, pero tambe artikulonan eksklusivo. Un di nan ta un

blas grandi di helio ku por graba mensahe ora papia den dje.

Skucha e reportahe di Ronald Muyden direktamente for di 'Koko's feestpaleis', kaminda Juenne a tene un demonstrashon chikí. Chèk zonido di e blas speshal ku el a mustra Ronald!