Komersiante hulandes Jacob Gelt Dekker a haña e siman akí algu masha spesial. Durante su bishita na Sudan, Afrika, el a bin haña un pida baranka na balor di 1.1 mion di euro.

Gelt Dekker, ku ta biba na Kòrsou, a haña e baranka ku oro aden huntu ku un amigu beduin. E pida baranka ta pisa 60 kilo, ganashi di e mineral ta p'e beduin. Pasó ta asina ku t'e tin un pèrmit pa koba buska oro, asina Gelt Dekker ta bisa den de Telegraaf.

Den e zona kaminda Gelt Dekker a haña su pida baranka, diariamente tin miles di buskadó di oro aktivo ku ta hasi uzo di detektor di metal den nan búskeda dje mineral. "Ta puru kasualidat ku nos a bin haña e pida baranka,'asina Gelt Dekker ta bisa den e korant. Segun e e echo ku nan a haña e oro tin un sabor amargo sí. DSekker ta komentá ku organisashonnan oksidenttal di ayudo ta atvertí ku e búskeda di oro ta enserá ku komersio di mucha katibu a oumentá na Sudan.