Gabinete Eman a keda instalá pa gobernador Refunjol. Ku presensia di promé minister di Antias sra. Emily De Jongh-Elhage i Sekretario di Estado ulandes Ank Bijleveld tabata komosifuera reino a haña bida nobo.

Despues di huramentashon dilanti di e edifisio di gobièrnu, ku boluntarionan a renobá, a tene un fiesta krioyo kaminda a presentá gabinete nobo di Aruba. E plasa dilanti edifisio di gobièrnu tabata yen di hende ku a bini pa wak e sho ku muzik, baile i hopi diskurso.

E promé punto kulminante tabata e momento ku boluntarionan a entregá yabi di ofisina di gobièrnu na e promé minister nobo. A duna un aplouso largu i sonoro despues di spich di Mike Eman. Den su diskurso el a bisa di ta orguyoso di ta siuidadano den un reino kaminda tur hende ta igual.

Sekretario di Estado Bijleveld a denominá e echo ku representantenan di tur pais di reino tabata presente, komo algu alentador.

Promé minister De Jongh-Elhage tambe a enfatisá e union den reino i asina e fiesta di Eman i su gabinete a bira un fiesta di reino.
 

Skucha reportahe di Jos de Roo