Hulanda ta bayendo den direkshon di un choke formal ku implementashon di leinan pa kambio estatal di Boneiru. Jopie Abraham, lider polítiko di e partido gobernante n'e isla, Aliansa Demokrátiko Boneriano (ADB), a trese e kos akí dilanti.
Segun Abraham no ta duna oído na opheshonnan di Boneiru. „Delegashonnan for di Den Haag aparentemente ta atendé ku nan propio agènda i no ta tene kuenta ètòl ku e sirkunstanshanan lokal ni ku pueblo.
Boneiru ke bira munisipio ekstraordinario di Hulanda huntu ku Saba i Sint Eustatius. Oktober 2010 ta e fecha ku a stipulá den konsulta ku Hulanda. Abraham ta bisa ku aktualmente ta formulando lei na Den Haag pa struktura estatal nobo sin tene kuenta ku sirkunstanshanan lokal di e isla. Loke ta molosti'é tambe ta e 'komentarionan despektivo i denigrante ku miembronan di e delegashonnan hulandes ta duna riba habitantenan di e isla. Segun nan ta un sèt di analfabeto ku no ta sirbi pa nada'.
Abraham: „Esaki no mag ni no por sigui di e forma akí. Si sigui asina'ki no por konkluí otro kos sino ku Hulanda ta bayendo bela yen den direkshon di un choke formal ku finalmente lo destabilisá komunidat boneriano por kompleto.” E ta hasi un apelashon na sekretario di estado Ank Bijleveld (Relashonnan di Rèino) pa tuma e krítika di lado boneriano na pechu 'promé ku tur kos pega malpegá'.
Email this Article
Printer-friendly version
Un parti no ta leuk. pero si boso wak ke un parti bon , hopi kos lo bai bon na boneiru, pasobra manera boneiru ta aworaki no ta echt un kos ku bo por bisa ta perfecto.Vooral ku e discimination di sexo!
mi ta haja e site hopi bon informativo
Post new comment