Djárason mainta a surgi e promé yobida formal di sneu na hopi region di Hulanda. Mésora e pakete di sneu akí a okashoná problema riba kaminda, pero kaminantenan den boske a disfrutá di e paisahe romántiko i di e perspektiva di un Pasku blanku!

Henter dia trèin a straik, i tramèrdia tráfiko di trèin alrededor di Utrecht a paralisá por kompleto, kos ku a dura basta ratu. Djaweps mainta tráfiko a pega malpegá, i a kulminá den un fila di un largura di mas ku 670 kilometer, ku t'e kongestion di tráfiko mas grave di e aña akí. E kantidat di aksidente sí por pasa, miéntras ku e tráfiko kustumbrá den oranan di anochi a bai mas trankil diloke a spera.

KNMI ta informá ku na algun region den nòrt di Hulanda a kai un pakete di sneu di un densidat di 20 te 25 sèntimeter. Ultimo biá ku a sneu tantu asina aki na Hulanda tabata 4 aña pasá. Sobretodo e provinshanan den nòrt ta enfrentando sirkunstanshanan meteorológiko sumamente difísil. Na Friesland, Groningen i Drenthe no tin konvoi ta kore mas. Meskos t'e kaso ku Tilburg i ku e region rondó di Zwolle i Emmeloord. Ta pronostiká mas sneu pa e fin di siman akí.

E kaída di sneu no ta kumbiní e organisadónan di konkurson di korement'i skats riba eis natural. Nijelamer, un pueblesitu na Friesland a plania un kompetensha pa djaweps, pero e no por a sigui mas ya ku e eis a bira mas fini pa motibu di sneu. Di e forma akí e primisia a pasa pa Haaksbergen. Awe, djabièrnè por a dal bai einan ku e promé maratòn di skats di e temporada riba eis natural. 

Disfrutá di e reportahe di vidio di Fred Vloo