Hulanda a kuminsá ku saniamentu di pago atrasá di Sint Eustatius. Ta trata di un atraso di 2.2 mion di euro (5.7 mion di florin antiano) di 2005 di Algemeen Pensioenfonds van de Nederlandse Antillen (APNA).

Lo sania loke Statia debe for di 2006 i 2007 tambe, pero pa esaki e kolegio di supervishon finansiero (Cft) mester duna un rekomendashon positivo promé. Ta trata di un total di 556.280 euro (kasi 1.4 mion di florin antiano).
 

Hulanda ke pa e paisnan outónomo nobo, Kòrsou i Sint Maarten i tambe Islanan BES (ku lo sigui komo teritorio di Hulanda) bira blachi kuminsá di nobo for di momento ku desmantelá Pais Antia dia 10-10-2010. A kambio di esaki a buta kondishon, manera supervishon finansiero i regla di kondukta pa bon gobernashon.
 

Pronto lo transferí kasi 17.5 mion di euro (43 mion di florin antiano) pa Kòrsou. Ta trata di pagonan pendiente di entre otro Stichting Studiefinanciering Curaçao, FMA i Stichting Wegenfonds Curaçao.