Kontadó profeshonal di kuenta, Hilli Arduin ta traha komo voluntario pa un voedselbank. Den Amsterdam Zuidoost e ta parti pakete di kuminda pa hende ku no por sali ku nan plaka, ku por ehèmpel tin ònderstant.

Arduin a nase na Sürnam i a lanta na Korsou. E ta ortopedagogo i sikólogo. E ta skibi poesía i ta duna presentashon komo kontadó di kuenta. Tòg e ta haña tempu pa traha komo voluntario pa hende pober. "Mi ta sintími felis. Mi ta kontentu ku mi por traha i ku mi ta salú. Ku e trabou di voluntario mi ke ekspresá mi gratitut.
 

Tur siman e klientenan di voedselbank ta bin buska un pakete ku por ehèmpel berdura, lechi, karni, i loke tin di duna na e momentu ei. Voedselbank ta haña su produktonan di empresanan manera supermerkado òf panaderia. "Ta bon kuminda, e fecha di freskura no a kaduká ainda", e ta bisa.
 

Krisis ekonómiko
Tin hende ku despues di kita gastu fiho no ta sobra mas ku 150 euro pa pasa henter luna, Arduin ta konta. E sa mira Antiano tambe pasa, anto no hende ku ònderstant so. "Tin be den un famia e tata i mama tur dos ta traha. Si un di nan haña retiro, por ehèmpel pa motibu di e krisis ekonómiko, e debenan si a keda meskos i nan ta haña na den problema finansiero."
Tur siman un 150 pa 200 hende ta pasa na voedselbank. Ademas voedselbank sa duna misa pakete pa nan distribuí. "Nos no tin supsidio, ta donatùr ta yuda nos."

Skucha e entrevista ku Rita van der Heul a hasi ku Hilli Arduin