E kampaña di promoshon yamá 'Gun jezelf Aruba' (bo meresé Aruba) a keda eligí komo e mió kampaña turístiko di aña. Un hurado profeshonal i lesadónan di un revista di gremio di biahe i fakansi a skohe e kampaña multimedial akí komo ganadó di e premio prestigioso.

Humphrey Vrolijk di Ofisina di Tráfiko di Aruba ta keda pragmátiko apesar di e éksito aki: "Nos meta no ta pa gana premio ora di lansa kampaña, nos meta ta pa generá turismo pa Aruba."

Ounke nan no a logra nan meta, esta di un oumentu di 5000 pa 10.000 turista mas ku aña pasá, den e tempu di reseshon aki un oumento aktual di kuater mil turista tòg ta 1 porshento, segun Vrolijk. P'esei lo usa i kontinuá ku e kampaña den wenter tambe.

Na mart di e aña akí a start simultáneamente ku e kampaña na Gran Bretaña i Skandinavia pa atraé turista oropeo pa Aruba. Por lo pronto lo sigui ku e kampaña te 2010.

Skucha Desirée Martis den kòmbersashon ku Humphrey Vrolijk