Promé minister Schotte mas pronto posibel lo entrega retiru di gabinete. Esaki el a bisa djabièrnè meinta trempan despues di e reunion di konseho di partido di MFK.

Djaweps anochi ku urgensha a konvoká un reunion di konseho di partido pa trata di pone e disidente Dean Rozier kambia di idea. E lider di frakshon di MFK anteriormente e siman aki a kanselá su konfiansa den gobièrnu

Ku esaki e koalishon ku tabata mantené Schotte na mando definitivamente a pèrdè su mayoria den Staten. Siman pasá Eugene Cleopa di partner den koalishon MAN tambe a kanselá su sosten na gabinete.

Schotte a bisa ku anteriormente tabata parse manera Rozier lo a duna partido su asiento bèk, pero djaweps anochi a resultá ku esaki no tabata e kaso. Esaki a trese reproche marga i emoshal p’e di miembronan di partido i di prome minister Schotte ku lo retirá.

Rozier a sali for di konseho di partido mas trempan e anochi ei kaba. El a indiká ku e ke diálogo ku tur hende “ku konhuntamente ke pèrkurá pa sosiegu i serenidat bolbe den nos pais, ku MFK tambe”. Anteriormente el a bisa kaba ku apsolutamente lo e no ke traha ku Helmin Wiels i su partido Pueblo Soberano.

Despues di e konseho di partido Scotte a bisa ku mas lat awe e ke reuní ku su tim kompleto di minister i mira “kiko mester hasi awor segun artíkulo 53 di staatsregeling”. E artíkulo aki ta trata elekshon nobo.