Hulanda ta bai invertí den un programa di formashon pa hóben marginal na Aruba. Sekretario di Estado Ank Bijleveld (Relashonnan di Reino) i promé minister Mike Eman di Aruba a deklará esaki. Ku e programa akí hóben rubiano mayor di 18 aña, ku no tin masha skol, òf ku ta desempleá, por haña un entrenamentu a base militar. Mester stipulá ainda kuantu sèn Hulanda lo invertí den e proyekto rubiano. Kòrsou tin un programa asina kaba.
Aruba ke kuminsá na ougùstùs ku e trayekto. E idea ta pa kuminsá ku un promé grupo di kuarenta hóben, pa djei sigui lihé ku un di dos grupo, asina Eman a splika. Despues di tres aña Aruba lo mester por karga e proyekto independientemente.
Hopi tempu riba agènda
Por konsiderá e plan komo un indisio di mehorashon di relashon entre Hulanda i Aruba for di tempu ku gobièrnu nobo di Mike Eman a sinta. Durante mando di e gabinete anterior di Nelson Oduber, e relashonnan tabata tenso. E koperashon mas estrecho a keda konkretisá den un agènda ku ta duna sekretario di estado Bijleveld i promé minister Eman chèns pa deliberá ku otro porloménos dos biaha pa aña.
Na luna di aprel Bijleveld ta organisá tambe un simposio di Reino na Aruba ku tin komo título 'Un situashon ku ta kumbiní tur partido den Reino'. Bijleveld a bisa ku Reino henter por probechá di geografia stratégiko di Aruba i Antia. Tantu Eman komo Bijleveld ke traha riba ampliashon di sosten ku tin pa Reino den e diferente paisnan.
Inbestigashon di korupshon
No opstante e echo ku e relashon a mehorá, estado hulandes lo sigui di tur manera ku inbestigashon di kalidat di maneho na Aruba (anteriormente yamá inbestigashon di korupshon),loke e gabinete anterior a anunsiá. Otro luna un tim di sientífiko hulandes lo bishitá Aruba den kuadro di e plan akí.
Email this Article
Printer-friendly version
ereaz espanthoza no saven haber eindormachian
Hulanda cu ta miembro fundador di Nacionnan Uni:
Gobierno Hulandes no a percura pa informa y incentiva Gobierno di Aruba pa den ensenjanza aki na Aruba duna informacion na nos hobennan riba e Decenianan proclama pa Nacionnan Uni di:
•1993-2003 – E di Tres Decenia di Lucha contra e Racismo y Discriminación Racial
•1995- 2004 - Decenio di Nacionnan Uni pa Educacion den e esfera di Derechonan Humano
• 2001-2010 – E di Dos Decenia Internacional pa e Eliminacion di Colonialismo
Gobierno Hulandes cu ta promove e International Four Freedoms Award?
Y na Mei awor ta bai parti un Freedom Awards y medayanan pa Freedom of Speech, Freedom of Worship, Freedom from Want, y uno pa Freedom from Fear, pa duna honor na e presidente americano Roosevelt cu tin raiznan hulandes:
Pero kiko Gobierno Hulandes a haci pa prome e cuater Libertadnan aki na Aruba mes?
Si Hulanda a cumpli cu Aruba como pais independiente den reino for di 1986, y a percura pa anima Aruba pa manda un represente den tur reunion cu Nacionnan Uni cu ta enserra beca, asistencia, ayudo, guia y sosten pa un miho democracia, gobernacion, funcionamente di cuerpo policial y di husticia door di Nacionnan Uni, awe Aruba lo ta igual bon prepara cu Hulanda.
Cu Hulanda for di 1986 no a carga su responsabilidad den esaki, por ser considera como malgobernacion di parti di Gobierno Hulandes? Cu Hulanda como miembro fundador di Nacionnan Uni, no a percura pa na schoolnan na Aruba e Declaracion Universal di Derechonan Humano ta forma parti di e programa di ensenjanza, por ser considera como malgobernacion di e Gobierno Hulandes?
Y cu ta te awe numa ta papia di un programa di formashon social pa hobennan y ke soluciona e falta di formacion cu un training militar, no por ser considera como malgobernacion y mal cumplimento di Hulanda mas ainda como miembro fundador di Nacionnan Uni?
Post new comment