Tormenta tropikal Fiona a okashoná masha tiki daño na Saba, Sint Maarten i Sint Eustatius. Abitantenan a ripará masha poko di e tormenta ku a pasa nan isla, fuera di awa ku a kai mas ku nòrmal i ku tabatin mas bientu.

Orkan Earl a tumba palu i bòrchi di propaganda djadumingu i djaluna pasá. Al fin i al kabo e daño tabata ménos di loke a spera. Djei a sinta warda binida di Fiona.

Aworaki e islanan tin tormenta tropikal Gaston bon na bista, denter di par di dia e ta pasa ei i desaroyá posibiblemente bira orkan.

Debí na ráfaga di bientu i problema tékniko, Sint Maarten tin problema awor ku abastesementu di koriente i awa. Pero outoridatnan ta bisa ku ta parse ku pronto e problemanan ei lo por keda resolvé. Skolnan na e islanan ta keda será te djaluna awor.