Suriprofs awor a haña su pia antiano-arubano: 'Dutch Caribbean Stars'. E fundashon karibense nobo akí ke promové entre otro wega di bala na Antia i Aruba. Dutch Caribbean Stars ke rekoudá fondo pa alkansá su meta ku organisashon di torneonan benéfiko, kuminsando na Kòrsou.

Tur futbolista di e ekipo nobo, entre nan Vernon Anita i Javier Martina (Ajax), Robin Nelisse (Red Bull Salzburg), Angelo Cijntje (BV Veendam), ta hunga bala sea na nivel profeshonal òf na esun amatùr mas haltu. Eks futbolista Remko Bicentini (NEC), coach i miembro di direktiva di Dutch Caribbean Stars, ta konsiderá Suriprofs komo un ehèmpel edifikante pa e fundashon nobo di deporte antiano-arubano.

Tur futbolista di e ekipo nobo, entre nan Vernon Anita i Javier Martina (Ajax), Robin Nelisse (Red Bull Salzburg), Angelo Cijntje (BV Veendam), ta hunga bala sea na nivel profeshonal òf na esun amatùr mas haltu. Eks futbolista Remko Bicentini (NEC), coach i miembro di direktiva di Dutch Caribbean Stars, ta konsiderá Suriprofs komo un ehèmpel edifikante pa e fundashon nobo di deporte antiano-arubano.

Polar Cup

"Nos ke apoyá proyektonan di deporte ku tin algo di aber ku hubentut", segun Bicentini ku a bira entusiasmá ora ku inisiadó Theo Singerling a yam'é na telefòn. "Singerling ta presidente i organisadó di Polar Cup. Mi a hañ'e kos fantástiko komo ku mi mes ta trahando riba Foundation Bicentini. Nos ophetivo ta pa hasi hopi kos ku hubentut." Dia 7 di mei último hopi eventual patrosinadó i tambe prensa a akudí na e enkuentro di presentashon dje tim.

Prinsipio di yüni 'Dutch Caribbean Stars' lo introdusí su mes durante Polarcup na Kòrsou. Aya nan lo kompetí ku ekipo di klupnan prosedente di Aruba i Sürnam. Bicentini ta bisa ku un retorno anual di Polar Cup ta pertenesé na e posibilidatnan. "Aparte djesei nos ke bai kompetí ku klupnan di futbòl pagá na Hulanda. KIsas ku Suriprofs tambe; tin hopi idea den tapara ku nos ke realisá."